ឲ្យកូនបៅដោះម្ដាយផង និង បៅទឹកដោះគោផង តើជារឿងត្រឹមត្រូវដែរទេ?

2017-05-04 03:18:02
ចំនួនមតិ 0 | ចំនួនចែករំលែក 0

ចន្លោះមិនឃើញ

មានម្ដាយមួយចំនួនយល់ថាការបន្ថែមទឹកដោះគោឲ្យទារកពីលើទឹកដោះម្ដាយគឺជារឿងល្អដើម្បីជំរុញសុខភាពកូន ប៉ុន្តែ តើនេះជារឿងត្រឹមត្រូវដែរទេ?

ឆ្លើយទៅនឹងសំនួរនេះ លោកហ៊ូ ក្រើន ជាវាគ្មិនម្នាក់ក្នុងកម្មវិធីវេទិកាពិភាក្សាស្ដីពី «ការលើកកម្ពស់ការចិញ្ចឹមទារក និងកុមារ» ដែលបានប្រព្រឹត្តឡើងកាលពីថ្ងៃទី ៣ ឧសភា បានឲ្យដឹងថាបើតាមគោលនយោបាយថ្នាក់ជាតិគឺលើកទឹកចិត្តឲ្យម្ដាយបំបៅកូនដោយទឹកដោះតែមួយមុខប៉ុណ្ណោះ មិនចាំបាច់ត្រូវប្រើទឹកដោះគោទេ។

នាយករងអង្គការហេឡែន ខេលល័រអន្តរជាតិ (Helen Keller International) រូបនេះបានបញ្ជាក់ថា គោលនយោបាយថ្នាក់ជាតិមានបីចំណុចសំខាន់សម្រាប់ម្ដាយគ្រប់រូប។ ទី ១ ជំរុញឲ្យម្ដាយបំបៅកូនក្នុងម៉ោងដំបូងក្រោយសម្រាលភ្លាម។ ទី ២ ត្រូវបន្តបំបៅទឹកដោះតែមួយមុខគត់ដល់រយៈពេល៦ខែ។ ទី ៣ ត្រូវបន្តបំបៅរហូតដល់អាយុ២ឆ្នាំ ឬលើសពីនេះ។ ម្ដាយមិនចាំបាច់បន្ថែមទឹកដោះគោនោះទេព្រោះវាអាចជាបន្ទុកចំណាយច្រើន ហើយអ្វីដែលសំខាន់គឺអាចប៉ះពាល់សុខភាពក្មេងបើទឹកដោះគោមិនមានអនាម័យគ្រប់គ្រាន់។

លោក ហ៊ូ ក្រើន នាយករងអង្គការហេឡែន ខេលល័រអន្តរជាតិ

លោក ហ៊ូ ក្រើន ក៏បានអះអាងបន្ថែមដែរថា សម្រាប់រយៈពេលបំបៅកូន ជាពិសេសក្រោម៦ខែ ទឹកដោះម្ដាយគឺប្រៀបដូចជាឱសថទិព្វអញ្ចឹង។ ម្ដាយមិនចាំបាច់ត្រូវការអ្វីទៀតទេ ហើយបើទោះបីម្ដាយមានបញ្ហាសុខភាពខ្លះក៏គុណភាពទឹកដោះមិនចុះថយដែរ៕

ប្រភព៖ kanha ប្រែសម្រួល៖ pkhen

អត្ថបទពេញនិយម

អត្ថបទថ្មី

ហេតុផល ៧ យ៉ាងបញ្ជាក់ថាស្នេហាលើកទី ២ ជោគជ័យជាងស្នេហ៍គ្រាដំបូង

អញ្ចឹងតើបានសម្រកខ្លាញ់ក្បាលពោះមិនស្រកសោះ!

ចង់ប្រាប់ថា «អត់ស្រឡាញ់ទេ» តែដូចត្រង់ពេក មានវិធីអីល្អ?

ស្រីៗចង់បានក្រចកដុះលឿន វែង និងរឹងមាំ ១០ វិធីនេះអាចជួយបាន

ជឿទេថាកាយវិការងាយៗទាំងនេះអាចបំបាត់ស្ត្រសត្រឹម២នាទីប៉ុណ្ណោះ?

ក្លិនមាត់មិនល្អធ្វើដូចម្តេច?

ប្រជ្រុយ ៦ កន្លែងលើខ្លួនមនុស្សស្រីឆ្វាក់បុរស និងនាំសំណាងបំផុត